Avatangiisit pillugit siunnersuineq


Tukertitsiviit avatangiisillu SMJ-imi suliaqarfitta ilagaat, suleriaaserpullu inerisartuarparput. Ullutsinni ukiunilu qaninnerusuni nunami aalisakkanik tukertitsiveqarneq Savalimmiuni nunanilu allani assut siuariartorsimavoq, kapisilinnillu pitsaasunik tunisassiornissaq qulakkeerumallugu aningaasaliinerit annertuut pisarsimallutik. Avatangiisit pillugit siunnersuineq suliamut tamatumunnga atalluinnarpoq, tukertitsiveqarnermut tunngatillugu pingaarnertut inuussutissalerinermik avatangiisinullu tunngasunik oqartussaasut ASC-llu piumasaqaataat eqqumaffigisassaapput. Avatangiisit pillugit siunnersuineq suliaqarfinni allani aamma eqqumaffigisassaasarpoq, assersuutigalugu imikoq pillugu pilersaarusiornermi,
avatangiisinullu sunniutinik misissuinerni VVM-imik EIA-millu taaneqartartuni. VVM imlt. EIA tassaapput assersuutigalugu sanaartornermi avatangiisinut sunniuteqarnermik nalileeriaatsit.

Suliniutinut atatillugu taamaammat pitsaasumik siunnersuinissaq pingaartinneqartarpoq, suliniullu tamakkiisumik pitsaasuussappat atortorissaarutit, avatangiisit uumassusilinnullu tunngasut eqqumaffigineqartariaqartarlutik. 
Suleqatigiittut pisinnaasavut ima nassuiarneqarsinnaapput:

  • Tukertitsivinni teknikkikkut aaqqissuussineq
  • Innaallagissiorfiit sillimmataasut batteriillu
  • Tukertitsivinni innaallagissamik ruujorinillu pilersaarusiorneq
  • SRO/SCADA
  • Erngup pitsaassusaa
  • Aalisakkat peqqinnissaat atugarissaarnissaallu
  • Imikoq pillugu pilersaarusiornerit
  • VVM

Ukiuni kingullerni imikoq pillugu pilersaarusiani annertuuni suleqataasarsimavugut, suliniutini annertuuni oqartussaasut piumasaqaataannut atatillugu siunnersuisarpugut, aammalu tukertitsivinni arlalinni innaallagiaqarneq, ruujoreqarneq teknikkikkullu aaqqissuussineq pillugu siunnersuisarsimalluta.