Vatn er ein avgerandi partur av gerandisdegnum, hjá bæði fyritøkum og fólki. Reint vatn er ein fyritreyt fyri lív, men er tó ikki ein sjálvfylgja. Vatn fevnir yvir nógv ymisk arbeiðsøkir, harav drekkivatn, spillvatn, framleiðsluvatn og aðrar vatnleitingar eru týdningarmiklastu økini í Føroyum.

Hjá SMJ hava vit holla vitan innan vatn, bæði vatnreinsiskipanir, vatnveitingar og spillvatnsútleiðingar. Vit veita kommunum og framleiðslufyritøkum ráðgeving í reinsing av drekkivatni eins og vit ráðgeva kommunum og fyritøkum í reinsing og útleiðing av spillvatni. Í Føroyum eru krøvini til spillvatnsútleiðing rættiliga avmarkað, og ofta er reinsing ikki fyri neyðini , um bert spillvatni verður leitt út á steyma sjógv har rákið førir spillvatni úr landi. Hóast hetta, hava vit breiða vitan, og veita holla ráðgeving í reinsing av spillvatni, við bæði mekaniskum og lívfrøðiligum skipanum.

Vit leggja okkum altíð eftir, at skipa heildina í uppgávuni, og soleiðis tryggja vit eina dygdargóða og burðardygga vatnskipan av høgari góðsku, har hædd verður tikin fyri lívfrøðiliga margfeldinum og veitingartrygdini.

• Vatn- og spillvatnsreinsiverk
• Spillvatnsætlanir
• Svimjihyljar
• Vatnveiting
• Vatngóðska og kanningar
• Verkætlanarleiðsla, byggileiðsla og projekteringsleiðsa
• Brunaráðgeving