Tann stóri salurin kann rúma góð 800 sitandi fólkum. Harafturat verður pláss fyri uml. 200 fólkum í ungdómssentrinum. Aftrat hesum verður kafé, umsitingarhøli, bókasavn, undirvísingarhøli og skifti- og venjingarhøli. Bygningurin er uml. 2.700 fermetrar.

Tað er nógv gjørt burturúr at fáa fagurfrøðina og virkisføri (æstetik og funktionalitet) at ganga upp í eina hægri eind. Fyri SMJ merkir tað, at allar tekniskar installatiónir verða førdar, har tað hóskar seg. Ein salur við næstan túsund fólkum, krevur eina góða væl dimensioneraða ventilatiónsskipan, sum helst ikki skal síggjast for væl. Uppi yvir loftinum í stóra salinum ganga stórar ventilatiónskanalir, sum eru við til at tryggja eitt gott inniklima í bygninginum.

Byggiharri: Samkoman Lívdin

SMJ hevur eftirlit við Elektro & SRO og tekniska byggileiðslu í tunnlinum.

Byggiharri: P/F Eystur- og Sandoyartunlar
Høvuðsarbeiðstakari: NCC, við ROXEL og El-service at gera el.
Ráðevarar: Norconsult
Teknisk byggileiðsla: SMJ Ráðgevandi verkfrøðingar
Fakeftirlit El: SMJ Ráðgevandi verkfrøðingar

Talan er um ein nýggjan sjúkrahúsbygning, ið verður umleið 12.000 fermetrar til støddar, og sum skal hýsa psykiatriska deplinum, somatiskum seingjarplássum, rehabilitering, burðar- og barsilsdeild og køki og kantinu. Bygningurin verður projekteraður eftir 3D modellum í einum nýggjum leisti, ið nevnist BIM. Bygningurin verður bygdur niðan fyri verandi B-bygning. Sáttmáli millum Landsverk og ráðgevarar varð undirskrivaður 26. februar 2014

Byggiharri: Landsverk Ráðgevarar: Samtakið Fareport II (Árni Winther Arkitektar, SNA, LBF og SMJ Ráðgevandi verkfrøðingar)

SMJ er partur av vinnandi ráðgevaratoyminum, Eind, sum vann arkitektakappingina tíðliga í 2016. SMJ hevur ábyrd havt projekteringsleiðsluna, IKT leiðslu, fakráðgeving innan HVS, ventilatión, EL, brunaráðgeving.

Skúlin á Fløtum húsar 850 næmingum. Skúlin er bygdur nýggjastu tøkni í tøttum samstarvi við Tórshavnar kommunu.

Byggiharri: Tórshavnar kommuna
Ráðgevarar: Árni Winter, Zeta, Brim, LBF og SMJ Ráðgevandi verkfrøðingar
Arbeiðstakarar: Articon, Búsetur, Mariu Poulsen og Install

Nýggjur skúladepil til miðnámsútbúgvingar. Depilin rúmar 1500 næmingum og er 19.500 m² stórur.

Uppgávur hjá SMJ
El-projektering, harímillum ljósútrokningar, el-veiting til skúlan, harímillum maskintekniskar installatiónir og brunatekniskar. harumframt hevur SMJ havt ábyrgd av projektuppfylgindet og fakeftirlit.

Klaksvíkar kommuna arbeiðir við at brúka meir varandi orku í kommununi. Stórar vatn leiðingar verða lagdar í miðbýnum í Klaksvík, sum leiða sokallað brine vatn, sum verður hita av sjógvi í vekslarum.  Upphitingin av bygningum verður framd við hitapumpum, sum eru knýttar til leiðingarnar og brúka upphitaða brine vatnið til at hita svimjihøllina, skúlarnar, ítróttarhallirnar og aðrar bygningar. Við at elektrificera upphitingina við hitapumpum, kemur ein stórur partur av orkuna frá sjónum og hin frá EL. EL parturin verður framleiddur av SEV, har omanfyri helmingurin er frá varandi orkukeldum, so sum vindi og vatni.

Ráðgevi: SMJ Ráðgevandi verkfrøðingar

Fjarhitafelagið leggur fjarhita um Sandá, til býlingarnar undir Kongavarða.

Byggiharri: Fjarhitafelagið
Ráðgevarar: SMJ Ráðgevandi verkfrøðingar

SEV útbyggir Sundsverkið, støð 3 verður bygd afturat teimum báðum støð 1 og 2, nýggja støðini hevur við fýra motrar. Spillorkan verður gagnnýtt á verkinum og á fjarhitanetinum.

SMJ hevur havt projekteringsleiðsluna, brunaráðgeving, myndugleikaumsókn,  ábygd av at projektera leiðingar í lendi, el skipanir, rørskipanir og verið byggiharraráðgevi í samband við innkeypa av serveitanum.

Byggiharri: SEV
Arbeiðstakarar: Articon og BWSC
Ráðgevarar: SNA, LBF Ráðgevandi verkfrøðingar og SMJ Ráðgevandi verkfrøðingar

Leinkja til videobrot, sum SEV hevur fingið framleitt: https://www.youtube.com/channel/UC9fQgswtQp7q8M1Dz2dNNfA

Fjarhitafelagaði útbyggir fjarhitanetið áhaldandi. Stórur partur av Hoyvík er knýttur at fjarhitanetinum, síðstu árini eru høvuðsleiðingar lagdar oman í býin og verður áhaldandi arbeitt við at fáa stóru hitabrúkararnar knýttar at netinum.

SMJ hevur projekterað og havt eftirlit við el-arbeiðstøkuni og verið brunaráðgevi.

Byggiharri: Hotel Hafnia Brandan
Heildararbeiðstakari: Articon, El arbeiðstøka LM electric
Ráðgevarar: Kontrast, PBC og SMJ

Bakkafrost hevur gjørt íløgu í burðardygd og ringbúskap, og hevur bygt fyrsta biogassverkið í Føroyum.

Í Føroyum kemur umleið helmingurin av elorkuni frá steinrunnum brennievni, og ynskiligt er, eins og í flest øllum londum í heiminum, at fáa eitt grønt skifti innan ruskhandfaring, orku og matframleiðslu. Nýggja biogassverkið gevur íkast til eitt grønt skifti innan landbúnaðin, framleiðslu av laksi og framleiðslu av el og hita. Hetta verður gjørt við vinna orku úr lívrunnað burturkastinum, samstundis sum føðsluevnini verða latin aftur í landbúnaðarjørðina. Bakkafrost vann Business Initiative-heiðurin í 2019 fyri verkætlanina.

NIRAS og SMJ Ráðgevandi verkfrøðingar vóru ráðgevarar í verkætlanini, og veittu ráðgeving innan útboðstilfar, samráðingar og umsóknir til umhvørvisgóðkenningar.

Byggiharri: Bakkafrost
Ráðgevarar: SMJ Ráðgevandi verkfrøðingar og NIRAS

Bakkafrost byggir nýggja smoltstøðina á Strond. Hendan smolstøðin er ein liður í at økja støddina á smolti, áðrenn tað verður sett á sjógv. Nýggja smolstøðin hevur knapt 60 kør sum rúma upp ímóti 30.000 m3 av vatni.

SMJ hevur havt ábyrgdina av brunaráðgeving, øllum installatiónsarbeiði, harundir projekteringsleiðsluna av installatiónum, samskipan og ráðgeving í samband við byggiharraveitingar, projektering av El og rørskipanum, harundir sjógvkøliskipan, fiskaflutningur og ljóssimuleringar.

Byggiharri: Bakkafrost
Arbeiðstakari: Articon
Ráðgevarar: Ósbjørn Jacobsen Arkitektar, Spenn og
SMJ Ráðgevandi verkfrøðingar

Serstakur bakteriukulturur við effektivum nitrifiserandi bakterium, verður í summum førum nýttur, sum kveikjari til nitrifiserandi biofiltrini á smoltstøðum. Hetta verður gjørt fyri at stimbra um verandi nitrifikatión ella stytta um uppstartstíðina í nýggjum skipanum. Við at lata bakteriukultur í skipanina tryggjar man eitt gott nitrifikatiónsgrundarlag, ið gevur bestu kor fyri góðari vatngóðsku og smoltframleiðslu.

Fólk hjá SMJ hava keypt og implementera bakteriukultur fyri bæði Hiddenfjord og Bakkafrost.

Novozymes hevur verið veitari av hesum bakterium. SMJ hevur eftir uppgávurnar fyri Hiddenfjord og Bakkafrost arbeitt beinleiðis fyri Novozymes at menna vøruna til RAS skipanir. Har vit millum annað hava havt hesar uppgávurnar:

• Doserings útroknari
• SOP (Standard operating procedures)
• Fíggjarligir fyrimunir við styttan av uppstarti

SEV byggir tangagarð og  tangahús á Sundi. Við tí endamálið, at skipa allar oljuhandfaring á einum tryggum stað.

Byggiharri: SEV
Ráðgevarar: LBF Ráðgevandi verkfrøðingar, Árni Winther Arkitektar og SMJ Ráðgevandi verkfrøðingar

Í sambandi við økta streymnýslu í norðoyggjum, hevur SEV bygt nýggja koplingarstøð á Strond, til at nøkta tørvin í tí økinum. SMJ hevur havt ábyrgd av HVS og ventilatión, El og brunaráðgeving.

Byggiharri: SEV
Ráðgevarar: SNA, LBF, PAP og SMJ Ráðgevandi verkfrøðingar
Projektering: 2016-2017
Bygging: 2017-2018

MOWI byggir nýggja smoltstøð á Hellunum. Hendan smolstøðin er ein liður í at økja støddina á smolti áðrenn, tað verður sett á sjógv. Nýggja smolstøðin hevur 20 kør, sum rúma 8.000 m³ av vatni. SMJ hevur havt ábyrdina av EL og HVS installatiónum, harumframt ljóssimuleringar.

Byggiharri: MOWI

Fyri at økja um vatnmongdina á eystara armi á Skálafjørðinum, bleiv ein vatnleiðing løgd tvørtur um fjørðin. Umframt tað, er nýtt reisiverk eisini knýtt at verkætlanini.

Byggiharri: Runavíkar Kommuna
Ráðgevi: SMJ Ráðgevandi verkfrøðingar
Arbeiðstakari: RTS

Sunda Kommuna byggir nýggjan skúla í tveimum hæddum við skúlastovum, bólkarúmum, bókasavni, starvsfólkarúm, skrivstovur, og rúm til lærarafyrireiking. Eisini inniheldur skúlin eina ítróttarhøll. Nýggi skúlin verður bygdur upp í gamla skúlan. Samlaða gólvvíddin á nýggja skúlanum er um 3.000m2.
SMJ hevur verið við til at gjørt brunaprojektið fyri bygningin.

Byggiharri: Suna Kommuna
Høvuðsarbeiðstakari: Jóan Petur Vang
Jørðarbeiðstakari: HZ Gravimaskinur
Ráðgevarar: Brim arkitektar, LBF, PB Consult, Steingrund akustik og SMJ Ráðgevandi verkfrøðingar.

Bakkafrost byggir nýggja smoltstøðina á Viðareiði. Hendan nýggja smolstøðin er ein liður í at økja støddina á smolti, áðrenn tað verður sett á sjógv. Nýggja smolstøðin er uml 6.000 m2 til støddar og fevnur um tvær karhallir, filturskipanir og umsitingarbygning. SMJ hevur havt ábyrdina av ELog HVS installatiónum, umframt samskifti við myndugleikar á elveitingarøkinum. SMJ hevur eisini projekterað generatorskipan til støðina.

Byggiharri: Bakkafrost
Arbeiðstakari: Articon
Ráðgevarar: SMJ Ráðgevandi verkfrøðingar og Spenn

Fyri at nøkta El-tørvin í Suðuroynni verður orkumátturin á Vágsverkinum øktur. Talan er um at víðka Vágsverkið við einum motori, umframt at el-net, rørskipan, dagtangahús, tangagarður og bygningar verður dagført.

SMJ hevur byggi- og projekteringsleiðsluna av verkinum. Eisini hevur SMJ luttikið, sum týðandi samstarvspartur hjá SEV og PAP, í samráðingunum um val av motori.

Byggiharri: SEV
Ráðgevarar: SMJ Ráðgevandi verkfrøðingar, P.A. Petersen, LBF og SNA

Hvannasunds kommuna hevur latið nýtt kirkjuhús byggjað. Tørvur hevur leingi verið á einum hølið til ymisk endamál, sum hava við kirkjuna at gera.

Høvuðsarbeiðstakari: Norðhús
Arkitektavirkið Kontrast hevur teknað bygningin, og SMJ hevur havt ábyrgdina av EL og HVS installatiónum

Nýggi skúli skal endurnýggja hølisviðurskiftini hjá skúlanum á Ziskatrøð. Umframt tað skal nýggi skúlin vera við til at samanleggja skúlarnar á Ziskatrøð og við Ósánna, til ein felagsskúla. Hendan verkætlan er størsta verkætlan, sum Klaksvíkar kommuna hevur sett í gongd.

SMJ hevur ábyrgdina av tekniskum innleggingum, har vit við lokalari arbeiðsmegi kunnu loysa uppgávuna.

Byggiharri: Klaksvíkar kommuna
Arkitektar: Fuglark
Ráðgevarar: SMJ Ráðgevandi verkfrøðingar, Sámal Johannesen, Steingrund Akustik

Bakkafrost letur byggja nýtt virki til bæði krivjing og lidnavørur á Glyvrum. Virkið økir um framleidni, við at fleiri av verandi virkjum verða samlaði á einum stað. SMJ projekterar HVS installatiónir á virkinum.

Byggiharri: Bakkafrost
Ráðgevarar: SMJ Ráðgevandi verkfrøðingar, LBF og Teknistovan

SEV byggir vindmyllulund í Húsahaga har 13 myllur verða settar upp. Í tí sambandi hevur verið tørvur á einum sokallaðum, Health and Safety Officer (HSO) til at fylgja við trygdini í arbeiðinum at seta myllurnar upp. Starvsfólk hjá SMJ hava royndir og førleika innan trygdarøki.

Byggiharri: SEV
Veitari: Enercon
HSO: SMJ Ráðgevandi verkfrøðingar

Sí brot frá verkætlanini, sum SEV hevur latið framleiða. Umframt tað, var eitt innslag í Dagur & Viku tann 23. juni 2014, tað sæst niðanfyri.

Í sambandi við, at SEV skal gera eina vindmyllulund í Húsahaga oman fyri Tórshavn, verður eisini gjørdur ein bygningur, ið skal hýsa tilhoyrandi tøkni. Bygningurin skal m.a. hýsa eini koblingsstøð, battaríi til myllur, transformarum og einum starvsfólka- og gestahøli. Bygningurin verður ventileraður og upphitaður við eini kombineraðari hitapumpu- og ventilatiónsskipan.

Byggiharri: SEV Ráðgevarar: Árni Winther Arkitektar, LBF, PAP og SMJ Ráðgevandi verkfrøðingar Projektering: 2013-2014 Bygging: 2014-

BankNordik byggir nýtt høvuðssæti á Húsagarði í Tórshavn. Nýggi bygningurin er uml. 3.200 fermetrar og kemur at hýsa øllum virkseminum hjá bankanum, sum hevur verið í bygningunum í Niels Finsensgøtu og í Húsagøtu.

Spakin bleiv settur í tann 11.12.13 kl. 14.15 av Janus Petersen.

Arbeitt verður eftir partnering leistinum, sum inniber at ráðgevarar og arbeiðstakarar arbeiða í tøttum samstarvi.

Ráðgevarar: MAP Arkitektar, LBF, Ráð, PB Consult, KJ Elráð

Bygningurin, ið nýliga hevur fingið nýggja fasadu, skal innrættast av nýggjum til skrivstovuhølir.

Bygningurin er í fýra hæddum við eini stórari silo, ið verður í trimum hæddum. Ovasta hæddin á siloini verður innrættað til fyrilestrarsal, og niðastu hæddirnar verða innrættaðar til matarstøð.

Bygningurin verður upphitaður við eini sjóhitapumpuskipan.

Byggiharri: Tórshavnar Havn
Ráðgevarar: SNA, LBF, KJ Elráð og SMJ Ráðgevandi verkfrøðingar
Projektering: 2013-2014
Bygging: 2014-

Eysturkommuna byggir nýtt býráðshús. Húsini verða bygt á Oyruni í Norðagøtu og tað teknistovan hjá Ósbjørn Jacobsen, sum hevur teknað. Nýggja býráðshúsið verða uml. 600 fermetrar til støddar.  Húsini verða bygd við býráðssalið og móttøku, umframt skrivstovum og fundarhølum.

Arkitektur: Ósbjørn Jacobsen Arkitektar Ráðgevarar: Spenn, Veri-Con og SMJ Ráðgevandi verkfrøðingar

Talan er um útbygging av fjarhitanetinum hjá Fjarhitafelagnum. Útbyggingin umfatar høvuðsleiðingar í Gundadali, har møguleiki verður at knýta bygningar í. Høvuðsleiðing verður løgd niðan eftir Tjaldursvegi, og teymur verður gjørdur til innføring til nýggja høvuðssætið hjá BankNordik.

Byggiharri: Fjarhitafelagið
Ráðgevarar: SMJ Ráðgevandi verkfrøðingar
Projektering: 2014
Bygging: 2014

Fyrsti partur av útbyggingini fevnir um nýggj kømur til gentulið á summarlegunum, spæli- og ítróttahøll og svimjihøll. Harafturat kemur uttanumøkið, sum verður gjørt til umleið 100 nýggj parkeringspláss umframt pláss til tríggjar bussar. Bygningurin er umleið 2300 fermetrar tilsamans.

Byggiharri: Zarepta
Ráðgevarar: KJ Elráð og SMJ Ráðgevandi verkfrøðingar
Projektering: 2012-2014
Bygging: 2012-2016

Í sambandi við, at Statoil fer at gera royndarboringar við Føroyar, var ein teoretisk table top venjing hildin, har tilbúgvingarætlanin varð gjøgnumgingin.

Teir luttakandi partarnir í dagligu tilbúgvingini vóru umboðaðir í venjingini.

Uppgávan hjá SMJ var at vera eygleiðari og at savna viðmerkingar frá venjingini í eina frágreiðing til fyriskiparan.

Fyrireikari: Statoil Føroyar
Luttakarar: Tilbúgvingin í samband við oljuleiting í Føroyum
Eygleiðari: SMJ Ráðgevandi verkfrøðingar

Talan er um eina um- og útbygging av bygninginum í Sortudýki hjá Kringvarp Føroya.

Sum liður í samanleggingini av Sjónvarp Føroya og Útvarp Føroya, er verandi bygningur í Sortudýki umskipaður og innrættaður av nýggjum, eins og verandi bygningur verður víðkaður. Talan er um umsitingarbygning og framleiðslubygning, ið setur høg krøv til ljóðviðurskifti.

Byggiharri: Landsverk
Ráðgevarar: Kontrast, LBF og SMJ Ráðgevandi verkfrøðingar
Projektering: 2013-2014
Bygging: 2014-2015

Nýggja hitamiðstøðin hjá Fjarhitafelagnum í Klingruni verður við grønari orku. Um tann tøka orkan frá Brennistøðini og Sundsverkinum ikki røkka til, er ætlanin, at ein el ketil og stórar hitapumpur skulu veita orku inn á fjarhitaskipanina. Ein vatngoymslutangi á 2.000 m³ skal goyma yvirskotsorkuna í fjarhitanetinum.

Byggiharri: Fjarhitafelagið
Ráðgevarar: SNA, LBF, SMJ Ráðgevandi verkfrøðinga

Vága Floghavn skrivaði í januar 2011 út kapping um heildarráðgeving í sambandi við um- og útbygging av farstøð í Vága Floghavn. 4 samtøk luttóku í kappingini, og vann FAERPORT samtakið kappingina. 17. juni skrivaði FAERPORT undir avtalu við Vága Floghavn um at standa fyri heildarráðgeving, nú farstøðin skal projekterast og bjóðast út. Íblásturin til nýggju farstøðina hjá P/F Vága Floghavn er komin frá bretsku barakkunum, sum vóru bygdar í Føroyum undir krígnum. Tann eyðkendi bogin, sum barakkirnar høvdu, er nútímansgjørdur, og samstundis sær farstøðin út sum ein altjóða fráfaringarhøll. Umframt farstøðina verður ein tænastubygningur bygdur, sum skal hýsa umsiting hjá Vága Floghavn, Atlantic Ariways, Posta og Taks. Ein partur av tænastubygninginum verður sløkkiliðstøð og garasjur hjá kavaruddingarmaskinum. Bygningarnir eru 6600 fermetrar tilsamans.Tað eru fleiri myndir á heimasíðunum hjá SNA og Árni Winther Arkitektar. Sí brot úr Degi og Viku niðanfyri.

Byggiharri: Vága floghavn
Ráðgevarar: FAERPORT samtakið (Árni Winther Arkitektar, Selmar Nielsen Arkitektur, LBF, SMJ Ráðgevandi verkfrøðingar umframt Cowi sum undirráðgeva)

Í sambandi við at útbúgvingartilboðið ísv matvøruútbúgvingina er økt, er tørvur á at raðfesta hølisviðurskiftini til matvøruútbúgvingina. Í hesum sambandi verða umstøðurnar til HF eisini bøttar nú, Tekniski skúli verður út- og umbygdur fyri at rúma hesum báðum útbúgvingartilboðunum. Verkætlanin fevnir um víðkan og tillaging av Tekniska Skúla í Klaksvík fyri at útvega nøktandi hølisviðurskifti til Hægri Fyrireikingarskeið ‘HF’ og Matvøruútbúgving ‘MVÚ’ umframt dagføring av umstøðum til samlaða virksemi á skúlanum.

Byggiánari: Mentamálaráðið
Byggiharri: Landsverk
Ráðgevarar: Arkitektar 99, HMP Consult, PB-Consult og KJ Elráð

Verandi miðnámskúli á Kambsdali verður útbygdur við hølum til kreativar lærugreinar og eisini við fyrisitingarhølum.

Nýggi bygningurin verður bygdur í túninum millum handilsskúlan og studentaskúlan. Á hendan hátt verða hesir báðir skúlarnir knýttir saman við einum bóka-/miðlasavni.

Fyrisitingarhøli í verandi skúla verða flutt oman í nýggja bygningin, og nýggjar skúlastovur verða bygdar í staðin á hesum stað.

Í garðinum millum teir ymsu bygningarnar verða gongir gjørdar úr glasi.

Byggiharri: Landsverk
Ráðgevarar: Kontrast arkitektar, LBF og SMJ Ráðgevandi verkfrøðingar
Projektering: 2013-2014
Bygging: 2014-2015

Talan er um útbygging av verandi oljuskipan hjá EFFO á Vága floghavn, ið veitir brennievni til flogfør og tyrlur. Útbyggingin umfatar víðkan av høvuðsleiðing umframt tvey nýggj áfyllingarstøð til flogfør, so flogførini eisini kunnu bunkra brennievni á nýggju standplássunum.

Byggiharri: EFFO
Ráðgevarar: SMJ Ráðgevandi verkfrøðingar
Projektering: 2013
Bygging: 2013

Stórur tørvur er á vardum bústøðum til fólk við skerdum førleikum. Hetta hevur tann politiski myndugleikin eisini ásannað. Tí hevur landsstýriskvinnan í almannamálum, Annika Olsen, tikið avgerð um at steðga við at keypa vanlig sethús og at umbyggja tey til sambýlir, men heldur fara undir eina tilgongd at byggja nýggjar tíðarhóskandi bústaðir, sum eisini yvir tíð kunnu koma í staðin fyri nøkur av verandi sambýlum.

Arbeiðsánari: Almannaráðið
Byggiharri: Landsverk
Ráðgevarar: Arkitektar 99, HMP Consult, PB Consult og KJ Elráð

Hakin varð settur í tann 21. januar 2013 til nýggja FSF-húsið á Tórsvølli. Tað verður bygt, har áskoðarapallurin í syðra enda stóð.

Nýggja FSF-húsið verður andlitið og inngongdin til nýggja, uppstigaða Tórsvøll, og er ein partur av einari størri heildarætlan hjá Tórshavnar kommunu fyri allan Gundadal. Umframt ljós, graslíki og nýtt FSF-hús, skal Tórvøllur innilokast. Alt arbeiðið at uppstiga Tórsvøll fer at kosta millum 60 og 70 mó. kr. Tórshavnar kommuna, Fótbóltssamband Føroya og UEFA rinda kostnaðin í felag.

Byggiharri: FSF
Ráðgevarar: MAP Arkitektar, Verkfrøðingastovan, PB Consult og KJ Elráð

Eftir at turbinurnar á Fossáverkinum í Vestmanna eru renoveraðar, er sjálvur bygningurin eisini blivin renoveraður. Bygningurin er klæddur av nýggjum við bjálving, og hølini innan eru sett í stand, so at bygningurin verður sum nýggjur.
Ventilatiónin í turbinuhøllini er gjørd av nýggjum, so at luftin nú verður tikin inn í bygningin á ovaru síðu, og nýtt avkast er oman móti sjónum. Áður var inntak oman móti sjónum og avkast upp gjøgnum tekjuna.
Bygningurin er ikki broyttur í útsjónd, hóast hann er totalrenoveraður.

Byggiharri: SEV
Bygningsarbeiðstakari: Articon
Ventilatiónsarbeiðstakari: RenoVent
Ráðgevarar: Árni Winther, SMJ Ráðgevandi verkfrøðingar
Byggiár: 2013

Tekniski Skúlin í Tórshavn, Føroya Handilsskúli og Føroya Studentaskúli hava leingi havt trongar og ótíðarhóskandi hølisumstøður. Í fleiri ár hevur verið neyðugt at avvísa skikkaðar umsøkjarar orsakað av trongu umstøðunum. Tey seinnu árini hevur verið arbeitt við fleiri ymiskum uppskotum til at bøta um viðurskiftini hjá skúlunum. 26. mai 2008 varð samtykt at byggja skúladepil til hesar tríggjar skúlarnar. Depilin verður bygdur við Marknagil í Havn.

Arbeiðsánari: Mentamálaráðið. Byggiharri: Landsverk. Ráðgevarar: Team Fuglark (Fuglark, BIG, Martin E. Leo, Sámal Johannesen, Lemming & Eriksson og SMJ Ráðgevandi verkfrøðingar)

Ein depil verður bygdur í Eysturoynni til børn og ung við fjølbreki. Depilin skal fevna um dag- og umlættingartilboð. Ætlanin er at samskipa allar tænasturnar á einum staði, soleiðis at tilboðini, sum í dag eru pettað sundur, frameftir verða eitt samanhangandi heildartilboð til børn og ung við fjølbreki.

Arbeiðsánari: Almannaráðið
Byggiharri: Landsverk
Ráðgevarar: Arkitektar 99, HMP Consult, PB Consult og KJ Elráð

Nýggjur Musikskúli við Landavegin. Talan er um ein høvuðsbygning við venjingarhølum umframt ein hjábygning, ið skal nýtast sum venjingarhøll. Talan er um eina verkætlanin, ið setur høg krøv til ljóðviðurskifti.

Byggiharri: Tórshavnar Kommuna
Ráðgevarar: Kontrast, HMP, LBF og SMJ Ráðgevandi verkfrøðingar

Nýtt høvuðssæti til Vinnuhúsið á Óðinshædd í Havn. Vit hava havt ábyrgdina av øllum el installatiónum.

Byggiharri: VinnuhúsiðRáðgevarar: Fuglark, HMP, PBC, KJ Elráð

Í sambandi við, at Statoil royndarboraði í Brugdan II við Føroyar í 2012, varð skipað fyri einari stórvenjing, har tilbúgvingarætlanin varð roynd í verki.
Teir luttakandi partarnir í dagligu tilbúgvingini vóru umboðaðir í venjingini.
SMJ, RM Group og ResQ skipaðu fyri venjingina, vóru eygleiðarar og savnu viðmerkingar frá venjingini í eina frágreiðing til fyriskiparan.

Fyrireikari: Statoil Faroes
Luttakarar: Tilbúgvingin í samband við oljuleiting í Føroyum
Fyriskipari: SMJ Ráðgevandi verkfrøðingar

Eftir at staðfest var, at gamli skúlin á Giljanesi ikki skuldi renoverast, varð avgjørt at taka hann niður og byggja nýggjan skúla.

Nýggi skúlin verður bygdur í tveimum stigum. Fyrra byggistig umfatar skúlastovur og fyrisiting, meðan seinna byggistig m.a. umfatar serstovur.

Bygningurin við tilhoyrandi tøknirúmum og leiðingum er fyrireikaður til eina lágtemperaturskipan (lágorkuskipan). Á hendan hátt ber lættliga til at skifta ketlar út við alternativar orkukeldur, t.d. hitapumpur.
Ventilatiónin er stýrd eftir tørvi, so at skúlastovur og onnur høli verða ventilerað eftir júst tí tørvi, sum hvørt rúmið hevur. Hetta merkir, at samlaða luftskiftið, og harvið eisini rakstrarkostnaðurin, verður so lítið, sum til ber.

Byggiharri: Vága Kommuna
Byggiharraráðgevi: Ráð
Ráðgevarar: SNA, LBF, SMJ Ráðgevandi verkfrøðingar

Nýggja fimleikahøllin við Løkin í Runavík verður samanbygd við gomlu ítróttahøllina. Umframt at hýsa fimleikinum skal hon betra møguleikarnar fyri óformligum og óskipaðum virksemi, spæli, rørslu og sosialum tiltøkum. Høllin kemur tí bæði at stuðla felagslívinum og betra ráðstevnumøguleikarnar í økinum.

Byggiharri: Runavíkar Kommuna
Ráðgevarar: BBP Arkitekter, LBF, Búsetur og SMJ Ráðgevandi verkfrøðingar
Projektering: 2012
Bygging: 2013-2014

Stórur tørvur er á vardum bústøðum til fólk við skerdum førleika. Hetta hevur tann politiski myndugleikin eisini ásannað. Tí hevur landstýriskvinnan í almannamálum, Annika Olsen, tikið avgerð um at steðga við at keypa vanlig sethús og umbyggja tey til sambýlir, men heldur fara undir eina tilgongd at byggja nýggjar tíðarhóskandi bústaðir, sum eisini yvir eitt tíðarskeið kunnu koma í staðin fyri nøkur av verandi sambýlum.

Arbeiðsánari: Almannaráðið
Byggiharri: Landsverk
Ráðgevarar: Kontrast, LBF, Sofus M. Jakobsen

Í sambandi við, at Fjarhitafelagið hevur gjørt avtalu um at veita fjarhita til Berjabrekku, verður íbinding gjørd frá fjarhitanetinum til hitamiðstøðina á Berjabrekku, og nýggjur vekslari settur í hitamiðstøðina. Samlaða arbeiðið verður væntandi liðugt á sumri í 2012

Byggiharri: Fjarhitafelagið
Ráðgevarar: SMJ Ráðgevandi verkfrøðingar
Arbeiðstakari: Andrias Berg og MEST
Byggiár: 2012

Eitt sambýli til fólk við sálarsjúku verður bygt eystan Heyg í Havn. Sambært uppskotinum frá MAP arkitektum, er sambýlið ikki ein bygningur, men heldur at kalla ein býlingur. Í verkætlanini eru pláss til 16 íbúðir, sum eru 35 fermetrar til støddar hvør. Í felagshølunum er møguleiki fyri at matgera- og eta í felagsskapi við onnur og takast við ymiskt ítriv. Knýtt at felagshúsinum er eitt vaskarí til felags nýtslu hjá øllum íbúgvum.

Arbeiðsánari: Almannaráðið
Byggiharri: Landsverk
Ráðgevarar: MAP Arkitektar, Verkfrøðingastovan, PB Consult og KJ Elráð

KJ Elráð hevur projekterað allar ljós-, kraft-, veikstreyms- og brunatekniskar innleggingar í samkomubygninginum. Eisini hevur KJ elráð teknað (dokumenterað) allar installatiónir í sambandi við ljóð-, effektljós og video. Gamli bygningurin varð tikin niður í mars 2012 og tvey ár seinni í mars 2014 stóð snotiligi bygningurin klárur til nýslu.

Byggiharri: Betesda
Høvuðsarbeiðstakari: Kanjon
Ráðgevarar: Fuglark og KJ Elráð
Byggiár: 2012-2014

Grunnurin Qaamasoq hevur staðið fyri bygging av nýggjum leguhúsi í Nimerialik, sum liggur nærindis Eqaluit í Suðurgrønlandi.

Tilfarið til leguhúsið er partvís úr trimum barakkum frá gomlu Føroyingahavnini, ið eru niðurtiknar, fluttar og endurnýttar. Okkurt tilfar úr Betesda verður eisini endurnýtt til at byggja leguhúsið.
Húsini eru innrættað, so at umstøður eru til, at 30 fólk kunnu búgva samstundis.
Reisigildið var í aug. 2011, og væntandi verður arbeiðið liðugt á sumri í 2012.

SMJ hevur projekterað kloakk, hvs og hevur roknað orkurammu fyri bygningin.

Leguhús í Grønlandi
Byggiharri: Qaamasoq
Arbeiðstakari: Sjálvboðin arbeiðsmegi
Ráðgevarar: SNA, SMJ Ráðgevandi verkfrøðingar
Byggiár: 2010 – 2012

Nýggja røktarheimið í Vestmanna er innrættað við búrúmum við tilhoyrandi setstovum.
Øll búrúmini eru á somu hædd, meðan onnur størri høli og køkur eru í niðaru hæddini.
Umframt tey 24 búrúmini hevur røktarheimið eisini setstovur, ergo- og fysioterapi og stórkøk. Haraftrat eru eisini høli til starvsfólk og tøkni.

Bygningurin liggur á Grønanesi við útsýni inn á Vestmannafjørð.

Grevstur á økinum byrjaði á heysti í 2010.

Røktarheimið í Vestmanna
Byggiharri: Vestmanna Kommuna
Høvuðsarbeiðstakari: Kanjon
Ráðgevarar: SNA, LBF, KJ Elráð, SMJ Ráðgevandi verkfrøðingar
Byggiár: 2010 – 2012

Ein av nýggju stóru byggiverkætlanunum hjá Tórshavnar Kommunu er eldradepilin Yviri við Strond – Boðanesheimið.

Byrjað varð at grava á vári 2011. Samanlagt er talan um 64 búpláss skipað í 4 eindum. Eisini hevur bygningurin stórkøk og rúmlig felagshøli við neyðugum hentleikum. Boðanesheimið er umtalað á donsku verkfrøðingasíðuni Ingeniøren

Byggiharri: Tórshavnar kommuna
Ráðgevarar: SNA, A. Isfeld & G.S. Hansen, LBF, Martin E. Leo, SMJ Ráðgevandi verkfrøðingar

Gamli og serstaki ídnaðarbygningin á Drelnesi verður umbygdur til eitt nútímans tónleika- og listahús. A. P. Møller Mærsk grunnurin, Løgtingið og danski ríkiskassin hava fíggjað verkætlanina.

Ráðgevarar: Albert Isfeld og Gudmund Hansen arkitektar, Preben Hansen, Martin E. Leo og KJ Elráð

Nýggja útstykkingin við 200 fermetra grundstykkjum í Tórshavnar kommunu verður skipað við fjarhita.

SMJ hevur skipað og staðið fyri fjarhitaarbeiðinum saman við Fjarhitafelagnum.

Byggiharri: Fjarhitafelagið
Ráðgevarar: SMJ Ráðgevandi verkfrøðingar
Byggiár: 2010 og 2011

Elveitingareftirlitið bjóðaði út “Loyvi til framleiðslu av ravmagni úr vindorku” í mai 2010.
Eitt av feløgunum, ið luttóku, var samtakið millum Effo og Navia. 11. februar varð umsókn latin inn til Elveitingareftirlitið.
Søkt varð um at gera 3 vindmyllur í Neshaga.

SMJ luttók sum ráðgevi og samskipari fyri samtakið millum Effo og Navia.

Byggiharri: Effo og Navia
Ráðgevarar: SMJ Ráðgevandi verkfrøðingar
Byggiár: Útbjóðing 2011

Apoteksverkið byggir nýggj framleiðsluhøli til heilivágsframleiðslu á Staravegi í Havn.
Hølini verða sera framkomin og koma at lúka altjóða krøv til reinføri fyri heilivágsframleiðslu.

SMJ hevur staðið fyri projekteringini av HVS, Ventilatión og øðrum tekniskum innleggingum.

Byggiharri: Apoteksverkið
Ráðgevarar: Árna Winther Arkitektar, Skantago, KJ Elráð og SMJ Ráðgevandi verkfrøðingar
Byggiár: 1. byggistig liðugt við árslok 2009

SMJ luttekur í kanningararbeiðinum at fremja orkusparingar í almennum bygningum.

Føroya Landsstýri hevur tikið avgerð um at uppraðfesta orkusparingar í almennum bygningum. Í hesum sambandi luttaka SMJ og aðrir ráðgevar í kanningararbeiðinum saman við Landsverki.

Gjørd verður ein mett heildarlýsing av útvaldum bygningum, herundir orkunýtsla og støðulýsing.

Út frá heildarlýsingini verður mælt til at gera átøk fyri at minka um orkunýtsluna, har bæði byggiteknisk og arkitektonisk atlit verða tikin.

Verkætlanin umfatar íbúðarblokkar og raðhús.
SMJ hevur staðið fyri projektering av kloakk, fjarhita og HVS.

Ráðgevarar: SNA, LBF og SMJ
Byggiár: 2008-10

Orkuskráseting av bygningum í Tórshavnar kommunu
Ánari: Tórshavnar kommuna
Ár: 2008

Tórshavnar kommuna hevur í samsvari við yvirskipaða orkupolitikkin hjá Landsstýrinum sett eina kanning í verk.

Kanningin verður gjørd fyri at greina, hvussu orkuviðurskiftini eru í øllum bygningum, ið Tórshavnar kommuna varðar av.

Miðalorkunýtslan vísti seg at vera 243 kWh/fermetur/ár.

SMJ hevur gjørt 1. stig, ið nú er lagt fram fyri býráðnum og pørtum av umsitingini, ið varða av økinum.

SMJ hevur staðið fyri projekteringini av nýggju sjóhitapumpuskipanini.
Verkætlanin er gjørd í samstarvi við Articon, Demich og Jarðfeingi.

Nýggja hitaskipanin í høllini hjá Articon á Skála er ein sjóhitapumpuskipan, har sjógvur verður pumpaður inn til ein hitavekslara, sum hitapumpan er bundin í.
Útrokningar vísa, at COP fer at liggja oman fyri 4.
Bygningurin verður upphitaður við hitablásarum, ventilatión og gólvhita.

Arbeiðið varð liðugt í septembur 2009.

Byggiharri: Articon
Ráðgevarar: SMJ Ráðgevandi verkfrøðingar
Byggiár: 2008-2009

Miðnámsskúlin í Vestmanna hevur í mong ár húsast í smærri hølum ovarliga í Vestmanna. Við nýggja bygninginum eru hølistrupulleikarnir bøttir munandi, tí at undirvísingarhølini eru vorðin størri og meira nútíðarhóskandi. Sum sæst á myndini, stendur bygningurin niðri við sjóvarmálan.

Byggiharri: Landsverk
Ráðgevarar: MAP Arkitektar, KJ Elráð og SMJ Ráðgevandi verkfrøðingar
Byggiár: 2007-2008

Í samaband við at Greenland Contractors hevur umvælt ymiskar bygingar á Thule Air Base, hevur SMJ verið ráðgevi fyri høvuðsumvæling av HVS og sprinklara skipanum í íbúðarblokkum, verkstøðum og radarstøðini

Byggiharri: Greenland Contractors
Arbeiðstakari: Brøndum Byggiár: 2009-2011
Ráðgevarar: SMJ Ráðgevandi verkfrøðingar

Ein av nýggjastu miðnámsskúlum í landinum liggur í Hovi.
Bygningurin er útgjørdur við nútímans undirvísingarhølum og fakhølum.
Umframt at skúlin verður brúktur sum miðnámsskúli, heldur heilsuskúlin eisini til í hølunum.
Skúlin hevur natúrliga ventilatión.

Byggiharri: Landsverk
Ráðgevarar: Árni Winther Arkitektar, KJ Elráð og SMJ Ráðgevandi verkfrøðingar
Byggiár: 2007-2008

Síðani Norðoyartunnilin læt upp í 2006, hevur Betri Banki havt avgreiðslu í leigaðum hølum í Klaksvík.
Við nýggja bygninginum, ið stendur mitt í býnum, eru hølisumstøðurnar munandi betraðar.

Bygningurin, ið er í tveimum hæddum, hevur stórt og rúmligt avgreiðsluhøli, fundarhøli, tvey samtaluhøli, arbeiðs- og fyrilestrarhøli, matarhøli umframt tey neyðugu teknisku hølini.

Bygningurin er mekaniskt ventileraður í øllum hølum.
Haraftrat verða høgtsitandi vindeyguni í avgreiðsluni sjálvvirkandi latin upp, um tørvur gerst á betri ventilatión. Møguleiki er eisini hjá starvsfólkunum at stýra hesum vindeygum manuelt.

Byggiharri: Betri Banki
Ráðgevarar: Árni Winther Arkitektar, KJ Elráð og SMJ Ráðgevandi verkfrøðingar
Byggiár: 2007-2008

Runavíkar skúli, ið er ein verkætlan, sum verður framd í partalag, hevur gingið sera væl.
Borgarstjórin setti spakan í 3. oktobur 2006, og varð skúlin avhandaður Runavíkar kommunu 12.12.08.
Skúlin hevur 18 skúlastovur, serstovur sum jarn- og træsmíð, tilevning/handarb./list, bólkarúm, lívfrøði, alis- og evnafrøði, tónleikarum og kantinu.
Harumframt hevur skúlin stóra aulu og bókasavn, sum ætlanin er, at allir borgarar í kommununi skulu hava gleði av.
Gamli skúlin, sum varð tikin niður í sambandi við, at nýggjur skúli skuldi gerast, var gamal og niðurslitin, og eisini vorðin ov lítil. So nýggi skúlin er eitt stórt framstig fyri alla kommununa.

Byggiharri: Runavíkar kommuna
Ráðgevarar: Teknistovan v. Eyðun Petersen, SMJ Ráðgevandi verkfrøðingar
Byggiár: 2006-2008

Tekniski Skúli bleiv útbygdur fyri at nøkta stóra tørvin á nútímans undirvísingarhølum.
Nýggi bygningurin er knýttur at verandi skúla. Hann hevur vælútgjørd fakhøli umframt vanligar skúlastovur, ið allar eru mekaniskt ventileraðar.

Byggiharri: Landsverk
Ráðgevarar: Fuglark, KJ Elráð og SMJ Ráðgevandi verkfrøðingar
Byggiár: 2006-2008

Fyri Vágatunnilin 2002 og Norðoyartunnilin 2006 hevur RM Bólkurin/SMJ gjørt tilbúgvingarætlanir í samstarvi við føroysku mynduleikunum skipað fyri tilbúgvingarætlanum.
Umframt at gera tilbúgvingarætlanir varð skipað fyri stórvenjingum í báðum tunnlunum í fleiri umførum. Har allir innsats partar luttóku í venjingini.
Uppgávan hjá SMJ var at skipa venjingarnar og at vera eygleiðari og savna inn viðmerkingar frá venjingini í eina frágreiðing til mynduleika.

Ánari: Vágatunnilin og Norðoyartunnilin
Luttakarar: Almennu innsatsliðini
Fyriskipari: RM Bólkurin/SMJ Ráðgevandi verkfrøðingar

Verkætlanin inniheldur um- og uppíbygging av verandi skúla.

Verkætlanin hevur sum royndarverkætlan fingið sólorkuskipan sum ískoyti til upphiting. Hetta er higartil størsta sólorkuskipanin í landinum.
Bygningurin hevur natúrliga ventilatión.

Byggiharri: Landsverk
Ráðgevarar: A. Isfeld & G. S. Hansen Arkitektar A.F, SMJ Ráðgevandi verkfrøðingar
Byggiár: 2006-2008

Umbyggingin/nýbyggingin av SMS byrjaði fyrst í 2006. Verkætlanin er skipað í fleiri stigum, har handlar í minst møguligan mun vórðu stongdir, meðan umbyggingin fór fram. Verkætlanin er skipað í partalag. Nýggju handlarnir lótu upp aftur seinast í oktober.
Verkætlanin varð liðug í 2007.

Ráðgevarar: KJ Elráð og SMJ Ráðgevandi verkfrøðingar

Umbyggingar á Landssjúkrahúsinum byrjaðu í november 2006. Verkætlanin at nútímansgera forhøllina á Landssjúkrahúsinum varð liðug í februar 2006.
Nýggjasta verkætlanin í sambandi við Landssjúkrahúsið er sterilsentralur, skopideild og kirurgisk ambulatorium. Hetta arbeiðið umfatar umbygging av B2 og eina nýggja hædd á B3.

Nýggi barnaskúlin við Løgmannabreyt er helst fyrsta verkætlan í Føroyum, har útbjóðingartilfarið ikki verður prentað, men einans fæst digitalt av alnótini.
Hakin varð settur í 1. aug 2006, og 1. partur av byggingini varð tikin í brúk til skúlabyrjan 2008 sum ætlað. Byggingin er skipað í høvuðsarbeiðstøku við innbodnari útbjóðing. Bygningurin verður millum annað útgjørdur við natúrligari ventilatión við serinstallatiónum til serstovur og tannlæknastovur.

Ráðgevarar: Árni Winther Arkitektar, LBF, KJ Elráð og SMJ Ráðgevandi verkfrøðingar

Í 2005 bygjaði Seqi Olivine verkætlanin í Fiskifjørðinum í Grønlandi, har ein námsbygd verður bygd í sambandi við útvinnan av Olivin til stálframleiðslu.
Bygdin verður til uml. 50 arbeiðsfólk og umfatar íbúðir, royndarstarvstovu, verkstað, vegir og kaj umframt orkuverk, telesamskifti, vatnveiting, kloakkskipan, oljugoymslu, tyrlupall, brennistøð.
Byggingin fer fram í partalag.

Arbeiðið at gera nýggja útleiðing av høvuðskloakk í Kúrdali byrjaði í 2005.
Arbeiðið umfataði at skifta út kloakkleiðing úr Brekkutúni og oman í Kúrdal og at bora kloakktunnil.

Dentur varð lagdur á at loysa uppgávuna so umhvørvisvinaliga, sum til bar.
Hetta hevði m.a. við sær, at útleiðingin varð borað út gjøgnum Kúrdalsbenið og út í 8 metra dýpi. Ein loysn, ið ikki er sjónlig í umhvørvinum.
Arbeiðið varð liðugt í august 2006

Høvuðssætið hjá Føroya Tele varð handað byggiharranum í 2003.
Byggingin varð, sum tann fyrsta í Føroyum, skipað í partalag.
Bygningurin er sera væl útgjørdur við tøkni. SMJ hevði ábyrgd av HVS, ventilatión, sprinklaraskipan, køviskipan, høvuðskøliskipan, telesentralarnar, íbinding til fjarhitaskipanina, neyðstreymsverk og CTS skipan.
Bygningurin hevur natúrliga ventilatión.

Projektering av vatnverkinum í Villingadali, sum veitir vatn til Tórshavn, var ein sera stór avbjóðing fyri SMJ í 1985-1988. SMJ hevði ábyrdina av verkætlanarleiðslu og projektering av øllum rør installatiónum, hinir projekterandi vóru Verkfrøðingastovan og Viggo A. Hansen. Teir sum bygdu vóru Phil & Søn, HOH vandteknik, Leif Mohr og Demich.

Eitt videobrot frá byggingini av vatnverkinum í 1987.